Noong unang panahon ay sinasabing may pag-aari ang simbahan ng Cabuyao na kampanang yari sa ginto. Ito ay dala ng mga prayleng Pransiskano upang manghalina ng mga katutubong sumasampalataya sa Kristiyanismo at talikuran na ang kanilang lumang pananampalataya. Subalit sa lakas ng tunog ng kampana ay hindi naging mapanghalina ito sa mga tao. Umaabot hanggang San Pedro at sa Bae ang tunog nila. Ang mga babaeng buntis ay naagasan at ang mga taong malapit sa simbahan ay nabibingi. Dahil dito, ay tanging piling okasyon lamang ang pinaggagamitan ng kampana. Dahil sa hindi mabilang na insidente at nagpasya ang mga kalalakihang kumilos upang wakasan ang pinsalang dala ng kampanang ito. Ito ay ninakaw ng mga tulisan mula sa tore isang gabi. At dahil sa bigat at mag-uumaga na ay nagpasya ang kalalakihan na ihagis na lamang ito sa ilog ng Kamyas. Ito ay naaaninag pa mula sa kinalalagyan lalo na kung panahon ng tag-init o kabilugan ng buwan. Maraming nagtatangkang iahong muli ito subalit lahat ng mga ito ay nasawi. Ayon sa matatanda, ang kampanang ginto ay inangkin na ng mga engkantada kaya sinumang magtatakang kunin ito ay namamatay. Taong 1884 ng ibaba ng gobernador-heneral ang bilang ng sapilitang pagtatrabaho ng mga mamamayan mula 40 araw sa 15 araw na lamang bawat taon.
Kristine's blog 