Sa paglipas ng panahon, ang pag-aayos ng bagong poblacion ng Cabuyao ay tinawag na plaza complex dahil ang sentro ay plaza—isang bukas na lugar. Nakapaligid sa plaza ang simbahan ng Cabuyao. Katabi nito ang kumbento ng pari at pamilihang bayan. Sa harapan naman sa may gawing silangan ng simbahan ay ang pamahalaang bayan. Noobg 1885, sa panunungkulan ni Alcalde Agustin Algabre itinayo ang kauna-unahang pamahalaang bayan o Tribunal del Pueblo de Cabuyao. Sinasabi na sa lapit o layo ng isang bahay sa simbahan ang katayuan ng pamilya sa lipunan—mas malapit sa simbahan ang mga bahay na bato ng mamamayan. Maraming pagbabago ang naganap sa Cabuyao. Ang dating barangay ay baryo na itinawag nila. Cabeza na ang tawag sa pinuno imbes na Gat. Ipinakilala din ang bagong halaman na mula pa sa bagong España tulad ng mais, patatas at iba pa. Mga bagong uri ng kabayo, bibe, baka, at mga kalapati. Ipinatupad din ang sistema ng Polo y servicio o sapilitang paggawa. Ang kalalakihang may gulang 14 hanggang 60 taon ay sapilitanvna maglalaan ng 40 araw para tugunan ang pangangailangan ng pamahalaang kolonyal. Dahil dito ay naipatayo ang simbahan at kumbento ng Cabuyao.
Kristine's blog 