Marami ang nawala ng lumiit ang nasasakupan ng Cabuyao. Isa na rin ang dahilan kaya napag iwanan ang Cabuyao dahil nanatili itong isang encomienda at hindi naging hacienda. Ang mga may maayos na kalsada at tulay, iba’t-ibang pasilidad ang magpapatunay na nalinang nang husto dahil sa hacienda ng mga prayle. May maayos din na sistemang patubig at irigasyon na nagbibigay na magandang ani na hindi naganap sa Cabuyao. Dahil hindi na gaanong ginagamit ng mga taga-Cabuyao ang Lawa ng Laguna bilang daan ng paglalagay ay inayos ito ng mga mamamayan upang maging daan patungo at palabas ng bayan.. Dagdag pa na kinukuha pa nila ang pangangailangan nila sa Calamba at Biñan subalit sa panahong iyon ay hindi maayos ang kalsada at laganap ang mga tulisan na magnanakaw. Tinugunan naman ito ni Kapitan Gavuno Añonuevo. 1853 naman ng matapos gawin ang tulay ng Pasong Bayan na nag-ugnay naman sa Biñan at Sta. Rosa. Si Alcalde Jose Deasnmanta Rivera ay isa sa mg mapalad na pinuno ng bayan noong 1852. Sa kabila ng kawalan ng tala sa buhay niya dahil sa pagpapatayo ng ikalawang sementeryo ay nagkaroon siya ng alaala sa panunungkulan niya. Nakiusap ang mamamayan na campo santo sapagkat may kalayuan ang kauna-unahang libingan sa bayan. Itinayo ang campo santo sa dakong kanluran ng nayon ng Sala. Ito ay bahagi ng lupang kasalukuyang kinatatayuan ng Asia Brewery.
Kristine's blog 